Patrick Mutesa Mafisango.

Gari alilokuwa akiendesha Patrick Mutesa Mafisango.

Boban.

Niyonzima.

Uhuru.

KIUNGO mchezeshaji wa Simba, Patrick Mutesa Mafisango amefariki dunia usiku wa kuamkia jana Alhamisi katika ajali mbaya ya gari iliyotokea majira saa ya 9:30 usiku karibu kabisa na Chuo cha Ufundi Stadi cha Veta, Keko katika barabara ya Chang’ombe jijini Dar es Salaam.

Katika tukio hilo marehemu alikuwa na wenzake wanne akiwemo mpwa wake aliyefahamika kwa jina moja la Olilembe, Gasper aliyeumia bega, Bozii na mwanamke mmoja ambaye hajafahamika.
Gari aina ya Toyota Cresta lenye namba za usajili T 387 BMZ lilikuwa linaendeshwa na Mafisango baada ya kumpoka usukani Bozii.
Mara baada ya tukio hilo, Championi Ijumaa lilifika katika hospitali ya Muhimbili saa 12:09 asubuhi na kuushuhudia mwili wa mchezaji huyo ambapo kwa mujibu wa wahudumu wa mochwari, marehemu alifikisha hospitalini hapo saa 10 alfajiri.
Gazeti hili lilishuhudia mwili wa Mafisango ukiwa na majeraha makubwa ikiwamo kuchanika kichwani, kuvimba uso na jicho lake la kushoto kuingia ndani.
Kifo chake kimewashtua wengi, jijini Rwanda. Askari waliopima ajali hiyo, mmoja aliliambia gazeti hili kuwa inaonekana huenda gari alilokuwemo marehemu liligongwa nyuma kabla ya kupinduka.
Kauli hiyo inazua utata kwa kuwa maelezo ya kwanza yanaonyesha alimkwepa mwendesha pikipiki lakini gari linaonyesha kama limegongwa nyuma.

Majeruhi azungumza:

Akizungumzia kifo hicho, Olilembe alisema: “Tulikuwa tunatoka katika ukumbi wa Maisha (Maisha Club) uliopo Masaki. Tulikuwa tukiendeshwa na Bozii, lakini tukiwa njiani (hakumbuki wapi) marehemu aling’ang’ania aendeshe ndipo Bozii akaamua kumpisha.
“Tulipofika eneo la tukio, kuna pikipiki ilitokea mbele yetu ndipo Mafisango akawa anataka kumkwepa, katika kuhangaika akajikuta analipeleka gari kwenye mtaro wa pembeni. Yeye alifariki palepale, wengine hatukuumia sana, baada ya muda tulipata msaada, tukapelekwa Muhimbili.

Saa 10:00 alfajiri

Emmanuel Okwi na Derrick Walulya ndiyo wachezaji wa kwanza kufika Muhimbili na ndiyo ambao walikuwa wakisaidia kuubeba mwili wa marehemu kuuingiza mochwari, pamoja na kuwasaidia majeruhi.

Saa 1:07 asubuhi

Mbunge wa Korogwe Vijijini, Tanga, Steven Ngonyani ‘Maji Marefu’ ambaye ni shabiki wa Simba aliyekuwa amelazwa hospitalini hapo kutokana maradhi ya vidonda vya tumbo, akiwa na Kamanda Jamal Rwambow walikuwa viongozi wa kwanza kufika mochwari kushuhudia kilichokuwa kikiendelea.

Saa 1:49 asubuhi

Kiungo wa Simba, Haruna Moshi ‘Bobani’ alifika mochwari, alishindwa kujizuia na kuanza kuangua kilio akitaka apewe nafasi ya kuuona mwili wa marehemu.
Muda mfupi badaye aliruhusiwa kuingia ndani akiongozana na kaka yake, mshambuliaji wa zamani wa Yanga, Idd Moshi pamoja na beki wa zamani wa Simba, Said Kokoo kushuhudia mwili wa Mafisango. Wawili hao walitokea mlango wa nyuma na kuondoka.

Saa 2:54 asubuhi

Kiungo mchezeshaji wa Yanga, Haruna Niyonzima ambaye ni raia wa Rwanda na rafiki wa karibu wa marehemu, alifika muda huo akiongozana na Uhuru Selemani wa Simba, wote wawili walikuwa wakitokwa na machozi.
Niyonzima alisema: “Kifo cha Mafisango kimeishtua Rwanda akiwemo Kocha Mkuu wa Rwanda, (Sredojević) Micho. Tulitakiwa tuondoke pamoja leo kwenda Rwanda lakini yeye (Mafisango) akaniambia atachelewa kidogo angeondoka Ijumaa (leo).
“Nilipata taarifa za kifo cha Mafisango nikiwa uwanja wa ndege (Julius Nyerere) najiandaa kuondoka, nashindwa kuelewa sijui itakuwaje, nauomba uongozi wa Simba ufanye jitihada za kuusafirisha mwili wake kwa kuwa familia imeomba akazikwe nyumbani kwao.”
“Nahisi kama alijua kifo chake, jana (juzi) nilipokwenda kwake kumpa taarifa za kuitwa timu ya taifa alifurahi sana, aliweka muziki na kufungulia kwa sauti kubwa huku akicheza.
Nakumbuka kabla ya mechi yetu na Simba alinipigia simu akiniomba nimwekee jezi yangu ili tubadilishane kama kumbukumbu kwake,” alisema Niyonzima.

Saa 3:06 asubuhi

Beki wa zamani wa Simba, Boniface Pawasa aliwasili Muhimbili, alianza kumwaga machozi huku akiwa amemkumbatia Uhuru Selemani.
Akizungumzia msiba huo, Pawasa alisema: “Nimeumia sana kusikia kifo cha Mafisango, mimi ndiye niliyemleta marehemu Azam FC kabla ya kujiunga na Simba, nilijuana naye nikiwa naichezea APR na niliishi naye chumba kimoja tukiwa na Laurent Kabanda ‘Mkandala’ ambaye naye amefariki, hivi sasa nimebaki peke yangu.”

Saa 3:41 asubuhi

Wanamuziki wa Akudo Impact wakiongozwa na Christian Bella, Cannal Top, Boteku Clary ambapo walisema kuwa walikuwa na marehemu kwenye Ukumbi wa Maisha dakika chache kabla ya kifo chake.
Akielezea kilichotokea muda mfupi kabla ya umauti wa Mafisango, mpiga drum wa Akudo, Boteku alisema baada ya FM Academia kumaliza kutumbuiza, Mafisango na wenzake walitoka ukumbini hapo wakiwa na wanawake wawili.
“Kabla ya kuondoka Mafisango alitoa shilingi elfu tano na kumpa Cannal Top na kumuambia aendelee kupata kinywaji halafu wakaondoka. Lakini awali hakuwa akitaka kuondoka,” alisema Boteku.

Mazishi:

Makamu Mwenyekiti wa Simba, Geofrey Nyange ‘Kaburu’ amesema kuwa mwili wa marehemu umeshafanyiwa uchunguzi na utaagwa leo Ijumaa saa nne asubuhi katika Uwanja wa TCC Chang’ombe jijini Dar, kisha utasafirishwa kesho Jumamosi kwenda DR Congo kwa ndege ya Shirika la Ndege la Kenya.
“Familia yake ndiyo ambayo imeamua mwili upelekwe DR Congo, wao ndiyo watakaotoa uamuzi juu ya siku rasmi ya maziko, kama iwe Jumamosi au Jumapili. Kwa sasa kinachofanyika ni kushughulikia masuala ya pasi za kusafiria,” alisema Kaburu.
Kiungo huyo nyota wa Simba wakati wa uhai wake, ameacha mke, Rosina na watoto watatu Devictable (7), Crespo (5) na Patrina, mwenye mwaka mmoja.

Source : global Publisher

Dada zake Sajuki wakilia wakati wa kumuaga kaka yao

Msanii Wastara ambaye ni mke wa Sajuki nae akitokwa na machozi

Mama Sajuki akiwa na majonzi wakati wa kumuaga mwanae

Mtoto wa Sajuki akiwa amebebwa.

Dada yake Sajuki akifutwa machozi

Baadhi ya wasanii waliofika uwanjani hapo kumuaga mwenzao wakijadili jambo.

Wastara akiwaaga watu walifika uwanjani kuwasindikiza kwa kilio.

…Akiingia chumba maalum tayari kwa safari kuelekea nchini India

Mama mzazi wa Sajuki, Bi. Zaituni akiwashukuru Watanzania kwa michango yao iliyofanikisha safari ya mwanae kwenda nchini India.

UWANJA wa Ndege wa Kimataifa wa Julius Nyerere, juzi Jumapili, uligubikwa na vilio kila kona wakati ndugu, jamaa, marafiki na wadau wa filamu walipokuwa wakimuaga staa wa tasnia hiyo Bongo, Juma Kilowoko ‘Sajuki’ aliyekuwa akisafiri kwenda nchini India kwa matibabu, Risasi Mchanganyiko lina kila kitu.
Sajuki ni mgonjwa kwa muda mrefu sasa, alikwama kuendelea na matibabu kutokana na kukosa fedha, lakini baada ya michango ya Watanzania, amefanikiwa kupata fedha na siku hiyo ndiyo alikuwa akisafiri kwenda nchini humo katika Hospitali ya Apollo kutibiwa.

HUZUNI KILA KONA
Tangu mishale ya saa nane na dakika kadhaa mchana, wasanii na wadau mbalimbali wa filamu walikuwa wameshaanza kuingia katika uwanja huo kwa lengo la kuagana na Sajuki.
Wengi walionekana kuwa na huzuni kubwa, huku wengine wakisikika wakimuombea dua, Mwenyezi Mungu amuepushe na majaribu hayo.
Saa 8:47 mchana, gari alilopanda Sajuki, mkewe Wastara Juma, mama mzazi wa Sajuki, Zaituni Mzena na ndugu wengine wa karibu liliingia uwanjani hapo.
Katika hali isiyokuwa ya kawaida, baada ya kuona gari hilo wasindikizaji walianza kuonekana kulengwalengwa na machozi, ndipo mmoja wa ndugu zake, alimfungulia mlango na kumshusha Sajuki.

AJARIBU KUSIMAMA, ASHINDWA
Mara baada ya Sajuki kushushwa kwenye gari, moja kwa moja alipokelewa na mhudumu wa ndege aliyekuwa na kiti maalum cha kubebea wagonjwa ‘wheel chair’.
Katika kuwapa moyo, ndugu jamaa na marafiki, Sajuki alitaka kujitahidi kusimama mwenyewe ili atembee, lakini alishindwa, hali hiyo ilizidisha simanzi na hapo ‘wenye mioyo midogo’ walianza kumwaga machozi.

ASHINDWA KUZUNGUMZA
Waandishi wa vyombo mbalimbali vya habari waliokuwa uwanjani hapo, walimfuata Sajuki wakati akisukumwa na kiti chake na kutaka kuhojiana naye kabla ya safari hiyo, lakini ilishindikana.
Sajuki, alipoona waandishi ambao wengine walikuwa na vipaza sauti, alifungua kinywa chake na kujaribu kuzungumza, lakini ghafla alishindwa kusema chochote na kubaki kimya.
Hilo liliwahuzunisha wadau waliokuwa uwanjani hapo, mmoja akashauri aachwe kwa kuwa hali yake haikuwa nzuri.
Kwa kumtazama Sajuki, pamoja na kwamba hakuweza kuzungumza lakini sura yake ilionesha wazi matumaini ya kurejea nchini akiwa na afya njema; Ni kama alikuwa akisema: “Msilie wala kuhuzunika sana, Mungu akipenda nitarejea na kuungana nanyi tena.”

ASHINDWA KUPUNGA MKONO
Baada ya kugundua kuwa hakuwa na nguvu ya kuzungumza, Sajuki aliamua kuinua mkono wake ili kuwapungia wadau lakini zoezi hilo pia kwake lilikuwa mzigo.
Alionekana kuinua mkono wake kwa tabu kubwa, lakini juhudi zake ziliishia begani na kushindwa hata kuuzungusha kiganja kama ishara ya kupungia kwa watu waliokuwa uwanjani hapo.
Jambo hilo lilikuwa sawa na msumari wenye moto kwa wadau waliokuwa uwanjani hapo, ambapo walizidisha vilio kila kona.
Mhudumu wa uwanjani hapo, aliyekuwa akimsukuma Sajuki, alishangazwa na namna umati wa watu ulivyojitokeza kwa wingi kwa lengo la kuagana na rafiki yao kipenzi.
Wakati watu waliokuwa uwanjani hapo wakiendelea kumpungia, Sajuki aliingizwa moja kwa moja katika chumba cha abiria wanaoondoka na kumuacha Wastara nje.

WASTARA AACHA KICHANGA KIKILIA
Katika hali iliyozidisha uchungu kwa mashabiki wa Sajuki waliokuwa uwanjani hapo, Wastara alilazimika kumuacha mwanaye mchanga kwa wifi yake (dada wa Sajuki) aitwaye Naima Kilowoko.
Ilielezwa kuwa, Wastara alilazimika kumuacha mwanaye kwa wifiye kwa sababu nyingi, ikiwemo kuwa huru kwa ajili ya kumhudumia mumewe kwa karibu muda wote wakiwa hospitalini.
Wakati mtoto huyo akikabidhiwa kwa shangazi yake, aliangulia kilio kikali, kama vile alikuwa akijua kwamba wazazi wake wapo kwenye matatizo.
“Mh! Kweli watoto ni Malaika, maskini inawezekana halii kwa sababu anaachwa, bali naye ameona kwamba baba yake ni mgonjwa,” alisikika mmoja wa wadau akisema.
Wastara alipokuwa akimpa wifi yake mtoto, alisikika akimwambia maneno ya uchungu: “Wifi tunakuachia mwanetu, tunaomba umuangalie vizuri, nafikiri unaona matatizo yetu. Sisi siku ya kurudi haijulikani, tuendelee kuombeana dua.”
Hali ilikuwa mbaya zaidi, Wastara aliposema maneno hayo huku akilia, wakakumbatiana wakizidi kulia pamoja na mtoto.
Wakiwa katika hali hiyo, mama mzazi wa Sajuki, Zaituni ambaye alikuwa akilia karibu wakati wote uwanjani hapo, naye aliungana nao na kuzidisha uchungu kwa watu wengine waliowashuhudia.

MAMA AWASHUKURU WATANZANIA
Baada ya Wastara kuingia katika chumba cha abiria wanaoondoka kumfuata mumewe, mama mzazi wa Sajuki, Zaituni alitumia nafasi hiyo kuwashukuru Watanzania wote waliochangia kuokoa maisha ya mwanaye.
“Siwezi kusema chochote, Mungu ndiye anayejua ni kwa namna gani ninawashukuru kwa moyo wenu wa upendo. Nawaombea dua wote waliojitoa kwa hali na mali kwa ajili ya mwanangu. Mungu atawarudishia.
“Kipekee naomba niwashukuru rais wetu, Jakaya Kikwete, Waziri Mkuu, Mizengo Pinda, wabunge na wengine wote waliochangia. Nasema ahsanteni sana na Mungu atawalipa,” alisema kwa uchungu bi. Zaituni.

BAADHI YA WASANII WALIOHUDHURIA
Wasanii waliofika kumuga Sajuki ni pamoja na Ahmed Olotu ‘Mzee Chilo’, Nuru Nassor ‘Nora’, Sabrina Rupia ‘Cathy’, Mohammed Mwikongi ‘Frank’ na wengine wengi.

KALAMU YA MHARIRI
Umoja waliouonesha Watanzania kwa maradhi ya Sajuki ni mkubwa na unaopaswa kupongezwa. Huu ndiyo upendo wa kweli tunaopaswa kuwa nao.
Tunawaomba ndugu, jamaa, marafiki na wapenzi wa Sajuki watulie na kuondoa mashaka mioyoni mwao, maana Mungu mwenye nguvu anaweza kumsaidia ndugu yetu na kurejea nchini akiwa mwenye afya.
Dua zetu Watanzania, kwa sasa ndiyo kitu muhimu zaidi kwa Sajuki na familia yake.

by:globalpublishers

starring Hemedi Kavu, Agatha Mtoi, Lucy Komba, Alice Bagenzi, Angel Dominic, Idris SD

story/script Lucy Komba production manager Anna F.Komba producers Lucy Komba, Patrick Mbasha director Tonny Kirimi

Watch it now